Цырымонія ўшанавання пераможцаў.
Прэзентацыя твораў:
Уладзіслаў Ахроменка «Тэорыя змовы»,
Альгерд Бахарэвіч «Малая медычная энцыклапедыя Бахарэвіча”,
Павал Касцюкевіч «Зборная Рэспублікі Беларусь па негалоўных відах спорту»,
Артур Клінаў «Шалом: ваенны раман»,
Аляксандар Лукашук «След матылька. Освальд у Мінску»,
Андрэй Федарэнка «Мяжа».
Мадэратар цырымоніі ўшанавання
АНДРЭЙ ХАДАНОВІЧ
Рэжысёр прэзентацыі
ТАЦЦЯНА АРЦІМОВІЧ
Акцёры:
ВІТАЛЬ КРАЎЧАНКА,
ПАВЕЛ ХАРЛАНЧУК,
ВАЛЯНЦІНА ГАРЦУЕВА,
АЛЯКСАНДР МАЛЧАНАЎ.
Журы:
УЛАДЗІМІР АРЛОЎ (пісьменнік),
ВАЛЯНЦІН АКУДОВІЧ (філосаф),
ЛЮДМІЛА РУБЛЕЎСКАЯ (крытык),
МАРГАРЫТА АЛЯШКЕВІЧ (крытык),
АДАМ ПАМОРСКІ (перакладчык і старшыня Польскага ПЭН-клубу),
ПЁТР КАЗАКЕВІЧ (дырэктар Польскага інстытуту ў Мінску),
ЛЕШАК ШАРЭПКА (ганаровы старшыня журы; пасол Польшчы ў Беларусі).
Усталявалі новую літаратурную прэмію Пасольства Рэспублікі Польшча ў Рэспубліцы Беларусь, Польскі Інстытут у Мінску, Беларускі ПЭН-цэнтр і Саюз беларускіх пісьменнікаў. Арганізатары кажуць,
што гэтая ўзнагарода мае на мэце паспрыяць паглыбленню польска-беларускіх стасункаў у галіне культуры; папулярызаваць сучасную беларускую літаратуру ў Беларусі і Польшчы, падтрымаць актуальных
беларускіх пісьменнікаў, паспрыяць выхаду іх творчасці на міжнародны ўзровень.
Літаратурная прэмія Гедройца прысуджаецца за найлепшую кнігу, якая была выдадзена (у папяровым або электронным варыянтах) у 2011 годзе на беларускай мове ў жанрах мастацкай прозы і эсэістыкі
(журы прэміі пакідае за сабой права вызначаць жанр твораў у спрэчных выпадках).
Імя Ежы Гедройца (Jerzy Giedroyc 1906 — 2000) абранае для новай прэміі з мэтай ушанавання памяці публіцыста, палітыка, заснавальніка і рэдактара парыжскага польскамоўнага грамадска-палітычнага
часопісу «Kultura».
Ежы Гедройц нарадзіўся ў 1906 годзе ў Мінску і ў сваёй культурнай дзейнасці быў паслядоўным прыхільнікам добрасуседскіх стасункаў паміж Польшчай і Беларуссю, Літвой і Украінай.
АРГАНІЗАТАРЫ ПРАЕКТА:
Пасольства Рэспублікі Польшча ў Рэспубліцы Беларусь,
Польскі Інстытут у Мінску,
Саюз беларускіх пісьменнікаў,
Беларускі ПЭН-цэнтр.